民華餐廳

营业中

休息中

复活节假期间嘅星期六，晏昼有节目，去之前喺地铁站附近茶记食个快lunch。呀爸呀妈成日提起星期日食民华常餐，但我同老公今次系第一次帮衬，原来好多野食拣。常餐竟然有九款粉面拣！我要左鲜茄牛肉通、餐肉炒蛋多士，冻柠茶。茄汤系浓汤o个款，茄味十足唔会过酸，类似中环某出名排档茶记，牛肉份量都几多。炒蛋够香滑唔多油，多士外脆内软牛油搽得够均匀，正。老公叫咖哩牛筋腩饭，牛筋同牛腩份量各占一半，咖哩香浓微辣，类似马来西亚咖哩，捞饭食一流，饭面嘅煎蛋流心架，卖相吸引。另外加左个西多士，呢度嘅西多士好特别，系将厚多士两边都沾上蛋浆然后炸香，金黄有光泽之余有蛋味，每一啖都充满住牛油同炼奶，邢恶得黎劲好味！另外仲见到唔少人食盅饭同点心，不过两个人食三样野好饱喇，下次有机会再试。埋单只系$131，性价比甚高。另外值得一赞系店员好有礼貌，食物上得好快。