木船泰國粉麵專門店 (已結業)

呢间泰国嘢真系平靓正！分量多又饱肚，价钱贴地味道又好，性价比超高😋可惜嘅系今次去餐厅冇海鲜，如果唔系都好想试吓佢驰名嘅虾河粉🥹今次试咗个烧澳洲谷饲牛肉饭，衬埋只温泉蛋蛋白仲流紧，捞饭超好食！牛肉本身好香牛味，口感一流，火候恰到好处又唔会太干，捞埋汁食成碗饭两三下手势就扒晒～(但其实好大碗)另外叫咗一个脆单骨鸡翼同蔗虾，鸡翼脆卜卜，变埋单骨真系啖啖肉～鸡肉都好Juicy好香鸡油味。而蔗虾咬开条蔗有啲蔗糖甜甜地，送住虾饼食令个炸皮又无咁油，又带点清甜清新嘅感觉～炒咗一个通菜总括而言，真系冇谂过食泰国嘢可以一个人$100就食到，仲有大大个椰青饮。地点方面亦都好方便，太和站一出行几分钟就到，环境坐落亦都好宽敞，而且仲有啲壁画嘅设计点缀一下，令食客恍如真系置身泰国旅行一样🤩推介大家想食泰国嘢又想平民价平平地一定要试一试木船！