泰傳奇 (已結業)

九展咁多间餐厅，我同朋友最后拣咗呢间泰国菜餐厅，座位都算多，座位阔落，空间感十足，店员有礼。〈泰式炒金边粉〉🍝🦐呢碟泰式炒金边粉色香味俱全，一睇个颜色就知一定好够味，只只虾都好爽口大只，份量非常多，值得推介。〈肉碎煎蛋饭〉🍳🍚肉碎用豆角、香叶同埋辣椒炒到好有镬气，好惹味，都有少少辣，加埋只太阳蛋，非常易送饭，都认真唔错！饮品方面嗌咗青柠梳打🍹同埋冻奶茶🥤，喺咁热嘅天气下解渴真系一流，下次等我再试下佢其他午餐。