泰屋

营业中

休息中

和朋友旺角行街食饭，想食泰菜就想起依间，午市套餐的确抵食。这里地方宽敞环境舒适，座位阔落，安排近玻璃窗，采光度十足。美食都好多选择，水准拍得住九龙城餐馆的。冬荫公汤跟餐送的，汤味酸辣好开胃，味道唔错，汤料有少量菇菌和蕃茄。青木瓜沙律 $42沙律色彩夺目，青木瓜丝口感爽脆，仲有甘笋豆角多份口感，微酸带点辣，花生碎香口，非常清新的开胃菜，而且美味又健康。干炒泰国金边粉 $52金边粉炒得刚好唔会好干身，索晒酸甜汁好美味，口感烟韧弹牙好好食，仲有鱿鱼、大虾、青口、豆干、虾干、芽菜等，配料十足，所以好抵食。香叶肉碎煎蛋饭 $48煎蛋白饭加堆香叶肉碎，就咁捞饭食好够味，肉碎香口惹味，豆角口感爽脆，辣椒出奇地唔椒的，都好大碟的。冻泰式奶茶 $10茶味和奶味比例刚好，唔会太甜，口感滑。珍多冰 $10好多珍多，冰冻椰浆清甜可口，甜度适中。