棠記雲吞麵

营业中

休息中

疫情转趋严重, 少左啲学生系午饭时间觅食, 揾位都方便咗。相比附近其他茶餐厅人龙如鲫, 呢间舖嘅人流相形见拙。我叫咗个云吞牛腩面, 毕竟间铺都写到明系主打云吞面, 所以即管试下味道。首先系碗面嘅卖相方面, 碗面都算卖相吸引, 色泽浓郁, 云吞嘅数量相当足,有足足四粒,而且云吞馅料十分丰富, 有虾、葱花、鲜肉, 而云吞皮都做得相当出色, 皮薄馅靓当之无愧。 而另一个主角牛腩方面, 牛腩经过长时间调制,配上滋味嘅腩汁, 两者配合得天衣无缝, 牛腩相当淋身, 配埋冻饮冻柠茶,都只系37蚊,相当实惠。