八方台式麵屋 (新都城中心二期)

营业中

休息中

屋企楼下商场有开咗新餐厅,系我最钟意嘅台湾野梗系要试吓啦,望吓价钱仲要好抵食，一于同小朋友一齐嚟食。小朋友不嬲都好钟意食台湾嘅葱油捞面，呢度嘅捞面肉燥酱汁香浓，面条有咬口，味道好惹味小朋友食到停唔到口而我就试吓佢嘅台湾牛肉面，除咗牛肉之外仲有牛丸同其他配料，有少少辣辣地但系味道好出色，食落口唔会好油，汤底好好味，白萝卜有晒汤味但入口依然食到好甜，牛肉面价钱仲比连锁店平添，我下次一定要再试其他。另外就试咗两款小食，炸云吞小朋友非常钟意，即炸够新鲜，而我最钟意一定系台湾最出名嘅盐酥鸡啦，盐酥鸡唔会剩系得炸粉，见到都好多肉好大嚿，配埋珍珠奶茶，成餐饭真系好有台湾风味。