臺坊 (加拿分道) (已結業)

一讲起想食台湾嘢，就会谂起位于尖沙咀厚福街旁边嘅台坊，唔好睇佢舖头细细，每次经过都坐满人㗎！所以可想而知佢几受欢迎！食物质素都有一定嘅保证！食台湾嘢，第一时间梗系谂起盐酥鸡啦，脆口又惹味！系好多香港人嘅至爱，咁当然包括我啦！八卦问一问店员，原来好多客人都会拣盐酥鸡食品！咁我都梗系唔执输，叫返个盐酥鸡面啦！卖相都算几好嘅，唔会搞到一pat嘢好核突，啲肉燥都尚算够捞面食！唔会搞到好dry！我仲叫咗杯荔枝绿茶，都几好饮，唔会太甜！又可以解渴！诚意推荐！知道原来仲有红烧牛肉面食睇落卖相都几正，下次一定要再嚟食！同埋呢度嘅价钱都尚算又平又抵食，性价比极高！啲味道又好食，绝对唔会中伏！而饮品方面都几出色！大埔仲有分店㗎，下次都会再去食埋先！