滿堂樂滬京風味 (已搬遷) 新店位置

久唔久都会去帮衬满堂乐，虽然店舖细细，但都有好多人帮衬。夏天帮衬得最多嘅系汤面类同埋冻豆浆，而冬天就一定系栥饭。因为佢地嘅栥饭系即叫即做，而且长期有个炉热住啲糯米，所以任何时间去买都冇问题。唔似得出面啲舖头，一早包好哂，令到个栥饭充满『水气』劲难食。讲番今日个午餐，平时好喜欢食酸辣汤炸猪扒上海幼面，不过碗嘢系超级大碗，唔想食到顶住个胃咁饱嘅原因，所以今日只系叫咗个炸猪扒上海幼汤面食。猪扒系即叫即炸，所以会比起食其他种类嘅汤面等耐少少。猪扒有少少香茅味，仲带点Juicy, 而且块猪扒厚薄适中，所以唔会炸到好似柴皮咁干身。上海幼面虽不及罗坤记好食，但都Okay可以接受！