劉興記生煎包專門店

营业中

休息中

平时钟意食上海菜，尤其系生煎包，系我成日去开嘅生煎包专门店，今日同朋友去旺角行街经过，决定帮衬！味道一如既往咁好味！生煎包佢哋嘅生煎包系招牌，每一次食都觉得回味无穷！佢哋个皮好薄，个底热辣辣脆卜卜！最重要系佢里便真系好多汁！咬落去啲汁爆出嚟！而且里面嘅肉都好大嚿！好满足！鸡丝粉皮鸡丝粉皮都系另一个好钟意食嘅小食，佢哋啲粉皮好薄，食落有少少弹牙，个手撕鸡同啲汁又协调得好好，所以食落去好惹味！糖醋炸排骨汤面个糖醋排骨炸到金黄松脆，咬落索索声！上面嘅糖醋汁就酸酸甜甜，夹埋一齐食唔会好滞！搭配埋软绵绵嘅汤面一齐食，好味！手工豆沙窝饼仲有呢个好特别嘅豆沙窝饼，外边系煎到好脆身，但系里便就包裹住软绵绵嘅红豆沙，我同朋友都食到停唔到口！总括嚟讲呢间生煎包专门店水准依旧，不愧系我嘅饭堂之一！最重要系佢好多分店，大家想食嘅话都好容易可以去任何一间分店食到～一定会继续支持！