金坊泰國美食

营业中

休息中

呢间泰国舖头算正宗，泰籍厨师泰籍侍应，装修环境都好有泰国feel，在店内彷如置身于泰国一样。😊晚餐适合一大班朋友或家人一齐分享，因为食物选择多，大大碟，非常适合一齐分享。至于下午茶就适合自私食，一人份量刚刚好够饱，同样地选择都非常多，其中船河套餐平靓正，包一款小食及一杯热饮，盛惠$42，无加一👍船河份量属于正常份量，非下午茶迷你Size 。当日试咗海南鸡船河，海南鸡无乜鸡味，普通货无乜特别，仲有两嚿猪红送添， 河粉属于大块无切嘅河粉，唔太滑，不过索晒d汤，几入味👍😋小食方面就叫咗青木瓜沙律，青木瓜唔够爽脆，炸饺子就热辣辣上枱，炸得好香口， 咸柠梳打够气，咸柠檬味道够出。非常抵食既正宗泰菜。