榮記粉麵

营业中

休息中

由于呢排都系食一啲打卡餐厅比较多，所以真系唔知几耐冇食过车仔面。但朋友之前推荐话好出名，所以过嚟试吓。其实好多配料都好吸引，配搭都多元化，不过见到有墨鱼头，毫不犹豫就拣咗，再配埋金钱肚，而朋友就拣咗猪红。等咗阵嘢食就好快到，试咗一啖汤果然好浓郁非常之好味！同埋唔会有𠮶种，食完觉得好口干好咸嘅感觉。几得意嘅系墨鱼头唔系真系得头，而系有其他足须部份，不过我都好钟意，好有咬口。其实呢个价钱，可以食到咁高质素，真系喜出望外。