東園酒家宴會廳 (已結業)

今日下午老板请食饭，一众同事一齐到公司附近嘅酒楼食点心！ 难得任饮任叫大家都毫不客气！下午两点到达，原来已经进入下午茶时段！点心特价有多款选择，好抵食！除咗点心仲有孖宝套餐。我哋首先叫咗啲小食，呢一个风沙豆腐粒好香口，外面炸得好香脆！豆腐有豆味之余又好滑！估唔到只系＄48就有咁大碟！份量十分多！烧腩仔脆卜卜，一层肥一层瘦层次分明！十分淋易入口！差不多踏入秋季， 又系食蟹粉嘅好时机！呢度最近推出蟹粉小笼包！皮薄涵靓， 入面有大量蟹粉，蟹膏味浓郁！而且小笼包入面仲有好多汁！淮山上汤浸菜苗，食左咁多油腻野，我哋清清地叫咗一个上汤浸菜，上汤好清甜，淮山够淋，吸尽汤底先甜嘅精华。入面仲有啲杂菇， 好丰富！鲜虾肠粉即叫即拉，肠粉弹牙够烟韧，米味香！入面嘅虾够大够甜。每次来呢度饮茶，上汤云耳浸鱼肚系我必点嘅！平时食棉花鸡鱼肚会吸尽脂肪同油，但呢度嘅上汤云耳好清好甜，令到弹牙嘅鱼肚都好清甜唔油腻！多吃几件也不怕！饮茶点会冇虾饺？虾饺虽然唔算好突出，不过胜在皮够薄够烟韧！粒粒都晶莹剔透又饱满！鲍鱼酥卖相不错，下面嘅酥皮盒牛油味好浓，好松脆！鲍鱼用鲍汁煮过，甜甜地。甜品要咗雪燕蛋挞， 对女士来说滋补养颜，