叄嵐日本燒鳥串燒居酒屋 (已結業)

今晚肥鸡同朋友去咗湾仔安乐里嘅一间串烧店 佢个位置好隐秘竟然系一条后巷入面 叫做亝岚日本烧鸟串烧居酒屋 坦白咁讲佢店舖嘅位置系一个比较污糟嘅后巷入面肥鸡一开始觉得有啲核突 可能去嘅时间上早肥鸡入去𠮶阵时候冇乜客人 肥仔买咗三样串烧分别系烟肉韭菜花鸡软骨同埋鸡肾 鸡软骨系用盐烧好香脆口送酒一流 韭菜花味道亦都好出色 因为有啲肚饿所以嗌咗个松叶蟹肉蟹子饭 呢个就有啲普通啦用少少松叶蟹肉加蟹棒 蟹子就好少就啲生菜捞埋落去个味道普遍偏淡 小食方面嗌咗个无骨糯米酿鸡翼 反而呢个炸得几香口 饮品方面嗌咗个百利甜酒朱古力 肥鸡只可以讲甜到漏尿 总括嚟讲呢一餐肥鸡食得好开心