郭仔記粥麵專家

营业中

休息中

今日黎到大埔墟扫平货，晏昼正烦紧食咩好个阵就见到依间郭仔记，见到有笃鱼蛋嘅车仔，又有唔同款嘅小食、车仔面、粥品、粉面，价钱仲好平民，于是二话不说就入咗黎食~好耐都冇食车仔面，紧系试番碗。以2𩠌1面起，𩠌嘅选择非常多，价钱由$8到$13不等，身为食肉兽嘅我，拣咗牛腩、牛根、牛肚，外加1串辣鱼蛋。面都有唔少款，估唔到有我最中意嘅红薯粉。最厉害嘅系，酱汁除咗有清汤同腩汁，仲有辣汁、咖哩汁同埋沙嗲汁，啱哂口味较浓嘅朋友。牛腩燘得软熟入味，牛筋爽滑又有少少黏，而牛肚就有浓浓嘅五香味，估唔到铺头仔都可以做出咁高水准嘅牛类。红薯粉本身冇咩味，配上沙嗲汁就更加入味。最后加埋冻柠茶消暑，真系平靓正，下次一定要试下佢嘅粥品。