澳門丸記清湯腩王 (已搬遷) 新店位置

午飯約了幾個同事一齊食飯。呢間已經食過一次，質素唔錯，今日再翻兜。價錢合理，而且重點可以叫多飯，男人通常食唔飽係常識啦秘製咖哩牛腩飯咖喱好入味，好正！牛腩好腍，醬汁撈飯都好食！除了牛腩出色，用料足，大大塊薯仔，我最鍾意食薯仔，薯仔都好軟👍🏻👍🏻清湯牛腩河呢度招牌，牛腩真係無得輸，不硬，又軟又腍，清湯都可以咁好食，唔錯！金牌口水雞飯雞肉嫩滑，醬汁都好味。呢間果然無揀錯，果然我眼光無錯！有興趣可以試下，唔貴。