澳門丸記清湯腩王 (已搬遷) 新店位置

3號風球，諗住買定啲外賣，等今晚有嘢食。都明知會打風，所以打定電話問吓丸記有冇開。阿姐好似趕住收線咁，講唔夠兩句就cut咗線。但既然有開就照去。其實都知佢舖頭掉咗位置，但係估唔到佢原來係同沙田友合併左！個門面完全唔清晰，兜咗一大個圈，問商場個保安，佢又好似戇居居咁。於是我再打去問吓阿姐，佢先講清楚原來喺沙田友「隔離」！去到沙田友，根本就係兩間舖頭合併，用同一個門口，同一個收銀！講啲唔講啲，等我冒着雨行咗成個圈，先買到清湯腩。想去食嘅街坊，要注意返。

好差 以後唔會再去 諗緊想試嘅 都可以唔洗試 主要有2點第一：叫沙薑雞飯 淨係得隻雞翼 同雞翼尖 斬頭斬尾 砌一碟想食飯嘅嚟 就啱，齋食飯！完全無肉落肚 錢就比足連凍飲5x$60另外朋友就叫牛腩河，牛腩一共4舊 但有2舊肥到食唔到，又係求其切比你，唔會飛吓啲邊。個湯就成層肥油，有三高真係唔建議嚟！第二樣嘢：冷氣幾乎係零，坐門口可以帶定條毛巾 。仲要可以坐坐吓 壞冷氣 成班人焗係入面 出面就 三十幾度🤣但係都有樣嘢好 就係唔洗排隊 根本直入 可能住附近啲人都知唔掂☹️行多2步入去食大快活好啲

清湯牛腩牛筋河 全日附送飲品$58牛腩有肥有瘦 佢sell肉爽 所以唔算好腍牛筋大件又夠漿口好味 係骨膠原啊..出色過牛腩 幼身河粉超滑身 湯底清 唔會好咸或者好油 蘿蔔夠甜夠淋 但可惜有渣 估唔到無意中搵到間好食嘅牛筋腩河～😋總括 係幾唔錯 會再去👍🏼

今次用餐分別叫左海南雞飯同清湯牛腩河，海南雞雞肉嫩滑，飯味香，中規中矩。清湯牛腩好好食，平時我好少會飲湯底，但呢個湯底我會飲埋，蘿蔔都甜，但得一舊🥺牛腩無特別要求肥瘦(見餐牌有寫可以要求)，但送到嘅牛腩肥瘦適中，值得一試！

澳門丸記清湯腩王「澳門丸記清湯腩王」由阮弼壕先生於2006年創立，將家傳歷代秘方融合自己多年廚藝經驗與心得店名中的「澳門」源自餐廳創辦人阮弼壕先生的祖母年輕時在澳門十月初五街推著一個木頭車沿街叫賣牛腩麵，煮得一手清湯腩的好手藝傳到阮先生手上並延續下去牛腩河粉係香港經常都會食到，但呢碗牛腩河真係數一數二第一次食到蘿蔔清甜牛腩肉質嫩滑湯底唔會太咸，河粉係幼身河粉下次經過都會再幫襯因為唔係間間都做到呢個質素 $48一碗高質 Cp值沙田石門安詳街3號京瑞廣場一期地下牛腩河粉 $48餐跟熱飲 熱檸檬水

🐡四圍游，周圍食 - 丸記🐡石門站對出嘅呢間丸記，以牛腩河聞名。🐟清湯牛腩河($48)🐟牛腩果然煮得好淋，唔會好 “Un”，而係淋得嚟保留到牛肉香。湯底同河粉都唔錯。份量都多，都夠飽的。🐟海南雞飯($53)🐟海南雞飯就普普通通，無咩特別。油飯略嫌有點太乾。雞件就正常發揮。食物：🐠🐠🐠環境：🐠🐠🐠價錢：🐠🐠🐠🐠服務：🐠🐠🐠Overall：🐠🐠🐠

平日帶飯返工的我,琴日忙帶了所以經過見到澳門丸記清湯腩王,好多人。我就嘗試了,我點了清湯淨牛腩,牛腩還幾滿的,開蓋時要小心,那牛腩油到頂點,湯鹹到,如果有飯就好了。

好耐未食過清湯腩。今日嚟石門辦點事，唔太熟呢頭。於是openrice吓附近有咩食。睇到呢間，好啦，就一於試吓！小店枱唔算多，但都幾多人幫襯喎😱睇咗餐牌，決定點一客招牌清湯腩河，同一客牛筋河。湯夠熱，牛腩算腍。聽到隔離枱指定要牛坑腩，但賣曬。牛腩同牛筋都算俾得多，價錢嚟講都係合理而且仲包杯嘢飲。聽講呢度嘅咖喱牛腩出名好食，下次嚟開石門都可以一試！另外，侍應姐姐都好殷勤招呼食客，使人有賓至如歸嘅感覺，同埋好有家庭feel。

尋日經過石門、啱啱非常肚餓、但係天氣實在太熱、想食少少酸辣嘢開一開胃😋咁啱見到依家好耐未食過嘅清湯腩同埋雞飯專門店、梗係即刻入去醫飽個肚先啦😂😂😂今次點咗個海南雞飯改脾位、有湯有凍飲、加埋$68、算係正常價錢😎海南雞正常發揮、雞味燶👍好滑😋皮與肉之間帶有少少啫喱狀嘅肥膏、雖然邪惡但係真係好惹味😂😂至於飯方面、帶有雞油同埋少少香茅味、但小弟略嫌覺得今次佢哋煮得太硬⋯⋯真係要改善一下🥲

星期六上午返工，經常下午食完飯就行山，唔想咁飽住個肚行山，所以係咁二食啲嘢就算，石門站旁邊呢間麵店未試過，見叫得做澳門乜乜，諗住寫到明係過江龍喎，以為點都有啲保證啦，點知又伏左。叫左碗清湯腩麵，加凍檸茶，話晒由濠江過嚟，諗住會又腍又滑啦，50蚊一碗架嘛。點知，見到我碗麵只有五舊牛腩，有舊蘿蔔。麵同蘿蔔無意見，但牛腩就真係強差人意囉，似煲完湯啲湯渣，唔滑嘅，嚡十十，分量又少，收五十蚊，咁嘅質素我唔接受囉，一定無下次啦。

澳門丸記清湯腩王 @ 石門 今日同同事黎左石門做嘢，想係地鐵站附近醫下肚，一出港鐵站就見到一間貼左好多名人都黎過嘅餐廳，就決定入去試下🤣原來餐廳招牌菜分別係和海南雞、牛腩同埋咖喱，我地叫左想清清地咁食，就嗌左一份清湯魚片頭牛腩河粉、海南雞飯，再加碟芥蘭😝魚片頭牛腩河好好食😋首先啲牛腩好軟身，而且有肥有瘦，切嘅大細適中，咬落口感比較豐富，而且索曬啲湯汁，真係清得黎又好入味！魚片頭真係好大粒，即使後尾凍番啲都唔會縮曬水，如果魚味可以更突出就會更正😍湯底都好正，好清冇咩油份，整體黎講呢碗我好滿意🤣海南雞飯啲雞切得比較薄個啲都幾好食，食落肉質都幾滑；有部分就切得比較厚，呢幾片相對就遜色左少少😣不過啲雞配上醬汁真係好惹味😋油飯份量好大份，食落有油飯香味又唔會覺得好油膩🤣海南雞飯仲額外送左碗湯，飲到有少少胡椒味，甜甜地都幾好飲！最後講下碟芥蘭，加$9有咁大碟都幾抵食，煮得幾好啲莖都好淋👍🏻總結黎講呢間餐廳係健康之選，尤其推薦牛腩！希望下次黎可以試埋啲咖喱😍

經過石門，一出地鐵站就見到呢間——🌟澳門丸記清湯腩🌟 @yuenkee.shatin 就入去試吓🤩見佢有人氣嘅馬來西亞娘惹咖喱系列，好吸引好想試吓😋聽講店內娘惹咖哩曾獲法國領使頒發法國藍帶美食勳章，再要試埋佢嘅實力派3代家傳秘方嘅清湯腩🌟._.🐮｜清湯牛筋河｜🐮清湯得來又夠，唔會淡口，牛筋大件而且數量多👍🏻配埋河粉食，索曬清湯😋好正！·🐂｜秘製咖喱牛腩麵｜🐂呢個秘製咖喱真係好惹味，香濃嘅咖喱，唔會過鹹，味道啱啱好，配埋啲麵食每一啖都有咖喱嘅香味，係我鍾意嘅味道😋牛腩又係大大件，數量多👍🏻·🦐｜酥炸鮮蝦雲吞｜🦐炸得香脆可口，加上裏面好有咬口嘅鮮蝦，再配埋少少酸辣醬，味道唔錯😆._.@yuenkee.shatin📍澳門丸記清湯腩王 (石門)📍沙田石門安群街3號京瑞廣場1期地下G02號舖

🍛咖喱飯。澳門丸記@yuenkee.shatin 🐮實力派三代家傳清湯腩👉🏻娘惹咖哩🏅法國藍帶美食勳章第十五屆清湯腩王至尊大獎 🥘咖喱牛腩飯同港式嘅好唔同佢唔係行香辣路線食完唔會出哂汗味道偏甜一啲但又唔係日式嘅個種甜連唔食得辣嘅👯‍♀️都食到以前細個最鐘意咖喱撈飯食☺️老闆見我咁鐘意食都會另外俾碗咖喱汁我撈飯不過自從結業後就再食唔翻😞利申：係屋企附近嘅小店呢到會勾起你童年回憶嗎？未食過娘惹咖喱嘅你都可以試試佢😉🉐牛腩/海南雞/咖喱📝店名中嘅「澳門」👉🏻因創辦人阮弼壕先生的👵🏻年輕時在澳門的十月初五街推着木頭車賣牛腩麵養活一家👍🏻煮得一手好清湯腩家傳手藝延續至今宜家係第3代😉👉🏻清湯腩湯底清甜❌無油不膩✅牛腩肥瘦均勻清湯牛腩建議配河粉🐮牛三寶米線👉🏻最深刻印象嘅係牛丸竟然係有汁咇出黎👯‍♀️食到污糟哂🤣有幾耐冇食過一粒有肉汁嘅牛丸可能喺呢到可以食得到🤔👉🏻仲有牛腩同牛筋一次滿足你三個願望小朋友先做選擇我全部都要！！！🤣🏅餐廳創辦人阮弼壕先生憑店內娘惹咖哩曾獲法國藍帶美食勳章第 148 個 (2012年)👨🏻‍🍳繼阿一鮑魚主廚楊貫一龍皇主席黃永幟後第148個獲頒的主廚👉🏻店面於5月底重新裝潢設計

去石門買野順道食個dinner—————————-清湯牛腩河（$48）牛腩比較瘦 肉質頗韌 河粉唔算滑身 比較特別既係個湯底 一上枱已經聞到幾濃烈既藥饍味 飲落清甜 不過多油左少少海南雞飯（$53）油飯食落比較乾 唔夠香唔夠油去骨雞件份量正常 無嘜雞味肉質比較嚡————————————晚市時段都幾多人幫襯枕住一路有人等外賣個人就覺得味道普通過普通而且唔知係鋪頭通風麻麻地定冷氣唔夠食食下覺得好熱食完行番出餐廳出面覺得出面仲舒服啲

好耐無寫食評了，知道喱間出名一直都無機會試。今日有人黎拎身分證就黎試下，叫左出名既海南雞同清湯牛腩河，海南雞果然名不虛傳，我平時吾食雞皮，見到佢甘靚， 我淨食雞皮都接受到，不過有人話個飯就硬左d ，扣少少分。個牛腩河，清湯ok既，食到d芹菜既味道， 我既牛腩有少少肥肉，所以個湯面油多左d，河粉係滑既，湯面會扣少少分，我本身吾食蔥落單無叫走蔥，但佢地上菜時係放係匙到分開上既， 喱個我欣賞，仲有樣要贊既係蘿蔔無渣👍海南雞飯有個湯送，甜甜地， 食到胡椒味，有蔥我試左一啖姐。