肥仔海南雞專門店 (開源道)

营业中

休息中

我一直都系海南鸡饭爱好者，尤其钟意食香喷喷嘅油饭。呢间喺观塘嘅海南鸡专门店系我成日都会帮衬嘅餐厅，我食开嘅系海南鸡饭转鸡髀。呢度鸡件嘅份量好多，鸡肉嫩滑， 鸡皮又够肥；油饭有鸡油味，乜都唔点都好香，食过好多次饭都煲得几好，唔会溶溶烂烂咁，配搭鸡肉嘅酱料有两款，一款系酸酸辣辣嘅汁，个汁好劲蒜味，啱晒我呢啲重口味人士。而另一款系姜蓉，虽然佢系姜蓉，但唔系真系好劲姜味，反而系咸咸哋咁，好好送饭，连我呢个好抗拒姜嘅人都好钟意。成个饭嘅份量几多，女仔嚟讲可能食唔哂，$50有呢个份量同质素嘅鸡饭绝对系无得弹！