金輝海鮮菜館

营业中

休息中

在西贡食海鲜，稍有不慎，一定会俾人斩到一颈血，有好多人喜欢买海鲜去店内加工，食过几次后，我都唔觉得有好大分别，可能我食既都是普普通通货色。当一大班人食饭，我就喜欢食套餐，一方面知道价钱，又可以迎合唔同人既budget ；同时，越多人尝到既款式就更多。今次系我第3次去金辉，行过咁多间，最平都系佢，😄加上入到西贡，我就好喜欢去附近买手工啤，而呢间餐厅，系唔会额外收开瓶费。是次，我们一行13人，叫了 8人餐，因同行多数是小朋友，d 𩠌上台时，大碟到大圆台都放不下。多款海鲜，最like 系濑尿虾，虽然唔系太大只，不过胜在每只都肉多，够先。第二位，就系海胆饭，佢既色好橙（不过d 颜色不是来自海胆），而系用了蛋黄打底，但正因为此，味道更浓。8人餐以外，仲加多了炸豆腐，炒菜，最后竟然食唔晒。而埋单仲要系每位成年人 $280有找。所以用 平、靓、正形容此经历是最好不过。