潮味苑

营业中

休息中

老公放工有点迟，搭完巴士落车就到餐厅，太饿了，决定食潮州菜。我叫左几款食物，好快就上枱，岩晒我哋呢两只饿鬼。先黎只咸肉粽，姐姐帮我们拆粽，用筷子夹开见到咸蛋黄好吸引，仲有小瑶柱，粽加入红豆很香，仲有五花腩，好认真呀，而且加少少酱油就好美味。蚝仔粥好出名，叫一碗两个人都食到饱，大大碗，蚝仔粒粒饱满又好多粒，仲有肉碎，非常鲜甜。煎蚝饼很香的蛋味，虽然无炸甘香口，但都好美味，蚝仔好肥美，又大大碟，好正卤水细拼好丰富，卤汁咸香，大墨鱼片爽滑，猪颈肉嫩滑，猪大肠肥得甘香，豆腐片吸汁一绝，鹅肠又长又爽，送粥唔错福果绿豆爽是潮式甜汤，有别于起沙的中式糖水，福果指白果，如果去芯就正，但清心火，所以睇你需要，汤水热上，仲有粒粒清心丸，下火良物。