榮記潮洲粉麵

营业中

休息中

一个人出西环附近做野，揾左呢间粉面店速食午餐。叫左一碗双丸河加紫菜，盛惠30个大洋，价钱经济实惠！双丸系2粒墨丸并3粒猪肉丸，墨丸好香墨鱼味，弹牙之余仲有粒粒墨鱼好有咬劲，个人觉得比铜锣湾「文X墨鱼丸大王」更好食。猪肉丸爽口唔会太肥，亦不错。另外赞下d河粉，滑溜之余份量亦不少，亦唔会碎湿湿。汤头清清地，简单加少少芫茜葱花已经非常美味可口。香港剩返家庭式经营嘅小店已经唔多，我觉得应该要大力支持下先啱，下次经过西环一定会再encore呢！