大師傅粥品 (金昌摟)

营业中

休息中

大师傅（大围）同fd去，我叫左艇仔粥，FD食白粥，配炸两。艇仔粥d料系足既！鱿鱼都好多下，d碎牛都几好口感。一碗好大，之前试过同男仔fd去食，食完果下男仔都会觉得饱，所以$20价钱都几合理，平过海王粥铺得来又多料过佢。（所以真心建议大家少d帮衬连锁大财团既铺头，私人店有诚意好多！）炸两都几好食，一碟出来有成三大条，$17. 不过d油炸鬼唔够脆，可能果下夜晚好迟去摆耐左，相信早餐/lunch时间去应该好好多。至于白粥，FD既评价系入口即溶。总括来讲系唔错既，之前系过度食过d碎牛粥，都好好食，好似都系十几蚊。如果两个人去食，一人一碗粥，叫碟小食（eg 炸两）就岩岩好，两个人几十蚊就搞掂一餐。