日月星快餐 (已結業)

自从附近出咗意外之后，都好少嚟呢一边买嘢食，今晚收工特登搭车过嚟买外卖 。叫咗一个牛扒快餐黑椒汁， 配白饭 。呢个餐抵食在除左右牛扒之外仲有一只蛋， 一块火腿， 一条香肠 ，仲有两块午餐肉添 ，冇可能会食唔饱 。今晚厨师好细心 ，将牛扒切成咗几片，唔使等我返到屋企自己慢慢撕开 。牛扒系薄薄地嘅一片 ，唔会有雪藏味，唔会好鞋，几嫩口。午餐肉亦都系厚嘅冇呃称。不得不提佢个黑椒汁真系好好味，系真系有少少辣辣哋嘅感觉，而唔系好似其他一般餐厅𠮶啲黑椒汁通常都唔辣嘅。 成个餐卖35蚊真系好抵食， 仲有例汤送添。