泰然 (長發廣場)

营业中

休息中

时不时就会想食泰菜，不过青衣呢头食物选择本身已经唔多，如果泰菜嘅选择就更加少，青衣城嘅泰菜餐厅都已经食过唔少次，见呢间餐厅有唔少好评，今日就行远少少去长发村𠮶边揾食~ 估唔到系平日嘅夜晚七点几，餐厅都几多客，我谂味道应该唔错~ 有样嘢令我好惊喜嘅系，呢度居然有火山排骨，自从之前去泰国夜市食完之后就念念不忘，酸酸辣辣又啖啖肉好啱我口味最开心嘅系，二人餐都可以叫火山排骨，我地一行二人二话不说就拣咗火山排骨，明炉大蚬煲同蟹肉炒饭(太肚饿唔记得影低)呢度上菜神速，落咗单唔够5分钟已经嚟齐晒所有嘢，抵赞~ 食物方面，呢度嘅火山排骨用干冰上，打咭效果一流，味道亦一啲都唔输蚀俾泰国~ 可能为咗配合香港人嘅口味，我哋虽然冇特别叫小辣，但系辣度明显比泰国食嘅低，酸度就差不多，整体同泰国食到嘅十分相似，仲冇咁辣添，我觉得好正~ 明炉大蚬煲嘅蚬肉食落好新鲜，调味主要系酸酸咸咸加上微辣，非常惹味，送饭一流~ 蟹肉炒饭份量十足，饭粒炒得粒粒分明够干身~ 总括嚟讲呢间泰菜食物选择多同埋味道不俗，亦都比青衣城嘅餐厅抵食，住附近嘅街坊不妨一试