B哥車仔麵 (已結業)

今日嚟到中海日升中心呢度食lunch， 见到有间B哥车仔面，价钱好实惠， 于是就入咗去食啦。呢度三𩠌一面都只系39蚊， 另外仲有细B套餐同埋大B套餐(唔使拣厨师帮你斩)。 另外如果女仔比较细食仲可以拣净系四𩠌。 而且全部都包饮品， 真系几抵食。我哋一行4人，分别拣咗1个大B套餐 同埋3份四𩠌净食，再加个咖哩尤鱼和墨鱼饼大家share。由于叫咗3份4𩠌餐，所以我地食咗好多嘢，墨鱼丸、腩肉、萝卜、 卤水蛋、鸡翼、鸡翼尖、粉肠、猪红、猪皮、鱼皮饺、冬菇、鱼丸，都俾我地叫晒。各样质数都唔错，当中萝卜够淋够甜，墨鱼丸和鱼丸亦够弹牙，啱晒我嘅口味，而且仲有饮品送，呢个lunch真系够晒满足。