漢拏山烤肉 (已結業)

卖相好紧要，之前响OPENRICE见到大部份人都叫韩牛牛胸肉餐，个3层架不知几咁high几吸引，呢d堂煌气派只会响高档下午茶出现，无去high过tea既我同老公都被3层架吸引住，最重要一点系价钱够亲民，二人套餐价钱由$3XX起，真系无唔去试既理由啰。当日中午尝试电话订位，好彩两位唔难订，安排近门口既梳化位，几寛敝坐得舒服，抽风好一d油烟都无，一坐底即刻睇下餐牌，有几款套餐，好啱二人行超贴心，对于两个人嚟讲都可以试到唔同既食物，再细问之下，原来所有套餐都系用三层架上，fashion到不得了!今次试咗一个猪肉餐 ($358)，就系贪佢有厚切五花腩同梅花肉。套餐未嚟之前，店员会响炉边加<<无限追加>>既鸡蛋泡菜同芝士粟米 (两款都系我哋至爱)，仲有送上劲丰富既前菜，老实讲前菜系好味既，但如果食晒会饱咗1/4。套餐等咗几分钟就嚟，一嚟到真系睇到我哋木定口呆呀，估唔到份量咁大㖞！＊　厚切黑毛五花腩120g ~ 细心既服务即见，店员会负责帮客人烧五花腩，因为厚切比较有难度，而且佢哋经验话比我哋知，要点烧同烧几耐，一路讲解一路烧，其实五花腩无乜味，系全靠特式辣酱带出个