爺爺雞飯 (金百利中心) (已結業)

冇谂过喺铜锣湾都食到平靓正嘅晚餐！如果想食得丰富，套餐都系一个唔错嘅选择！不过我哋两个女仔又食得唔多，于是都系决定散叫。椒盐豆腐豆腐香脆可口，香口的椒盐令人胃口大开，而且份量都几多，性价比高。话梅芭乐芭乐系我其中一样好钟意食嘅水果，加咗话梅粉之外，味道甜甜酸酸，还提升了芭乐的鲜甜。爷爷无骨海南鸡配油饭海南鸡肉质鲜嫩，口感幼滑，由于已经起晒骨，所以食落啖啖肉。低碳或者生酮嘅朋友如果唔想食油饭可以转椰菜花饭，但系我自己就觉得食海南鸡饭配油饭是绝配，所以没有更改。新加坡叻沙渗渗叻沙香味浓郁，带点微辣，渗渗连同叻沙汤底一同进食，绝对可以满足口腹之欲。配料除咗有两只大虾之外，还有鱼片、豆卜等，非常推介。