麻辣串串香 (已結業)

自己之前都成日去食呢间麻辣串串香，因为佢喺荃湾河背街有另外一间分店，今日去完粉岭就顺道喺𠮶度食埋晚餐。麻雀虽小，五藏俱全，虽然间店舖嘅位置唔算多，但系亦都足够20至30人进食。呢度有啲自选粉面、重庆烧同埋酸辣粉，全部都可以自由配搭同埋自由选择，桌上面亦都提供左点餐纸可以俾人自己剔。我哋二话不说，一齐点左两碗麻辣烫，因为麻辣烫有八款嘅𩠌菜，而且价钱只系$38可以自选不同嘅面底，包括米线乌冬红薯粉等。我觉得佢个汤底真系辣得好过瘾，而且最好食嘅配料，就系鱼蛋同埋猪皮。鱼蛋好弹牙咬落去热辣辣，猪皮细细块，会自动卷埋，食落去充满汤汁在口中荡漾着。最后仲叫咗支冻冰冰嘅茶饮，凉透心正。