蒸廬

营业中

休息中

舖头好细，得20个人左右嘅位，平日午市都要等一阵，蒸庐出名黑金流沙包，基本上系每台必嗌，整体点心食落比较普通，胜在价钱实惠，蒸饭$45都好抵食，经过石门不妨可以试吓，如果住得远都唔使特登去食。*瑶柱虾米煎肠粉 特点煎到外面脆卜卜，又唔会好油腻，有几粒虾米仔，肠粉味道比较淡，整体比较普通。姜葱牛柏叶 顶点牛柏叶数量唔多，而且偏咸。蟹籽烧卖皇 特点鲜虾菜苗饺 特点晶莹虾饺王 顶点养生姜汁糕 中点烟烟韧韧，姜汁味浓，所以可能因为咁，佢比较甜。黑金流沙包 唔喺点心纸上面，要另外叫，上菜热辣辣，一掰开个包，啲流沙奶皇流晒出嚟，质地偏稀，咸蛋黄味唔系好重，包好松软，可以用嚟点流沙馅食。原笼蔗糖马拉糕 大点大大笼，有六大旧，松软，中间啲气孔大小不一，味道好甜，而且有阵怪甜味，又有阵怪怪地嘅面粉味，不推。南瓜凤爪排骨饭 $45南瓜蒸到软腍，赞！但排骨好细粒，咬落冇肉感肉味，蒸饭都会水气多啲，我个人麻麻地蒸饭，调味够，唔会食腻，够晒大碗，可以5-6个人分嚟食流心蛋牛肉饭 $45唔可以食牛肉嘅我表示我唔知牛肉咩味，但饭都系水气多，鸡蛋俾菜心遮住晒，下面鸡蛋切开，蛋黄系有半流心，加少少豉油，捞埋食一大啖饭，