極品靚鍋 (已結業)

今日同老豆黎到呢间火锅店食翻餐劲既。 我地黎得早，5点左右就到。钟意呢间够阔落，楼底又高，打边炉果阵都唔怕全场烟雾弥漫。我地拣咗海底耶竹丝鸡汤底。 坐底之后我先叫牛、羊、猪各2碟，再出去混个酱。 翻到黎已经有肉到，有效率。 呢3类肉都系薄切，放落锅度10-20秒即起可以食得。 老豆大赞猪肉鲜甜，我就最钟意羊肉。熟食我都有叫，麻酱秋葵几好食，猪耳略硬，凤爪就正正常常啦。 下一波就叫左啲海鲜，有扇贝，蚬，青口。 扇贝好食，我忍唔住再加多轮添。 鱼滑坚出色，弹牙，爽口。试埋花胶，适合渌耐少少会更好。鸭血就正常，滑但味道较淡，猪润亦不错。