上海廳 (已結業)

探完住喺天水围嘅朋友之后就喺附近周围行揾餐厅医肚，终于见到有间装璜同气氛睇落几好嘅上海厅就心郁郁想试下。可能系行日，加上又只系7点，所以唔使点等就有位入得。一睇个餐牌，啲价钱又唔系好贵，所以就好爽快咁拣左几样𩠌。小笼包皮薄多汁 肉味几浓 系唔错嘅餐前小食本身对呢个黑醋排骨冇乜大期望，但食落好香黑醋味，酸度啱啱好，啖啖肉好满足上海厅粗炒好有获气，食完唔会成口油，我同朋友最推介呢个！可能其他𩠌比较重口味，所以当食呢个虾仁鸡粒炒饭𠮶阵就淡味左啲，但虾仁系好爽同弹，都加番啲分嘅~本身最有期望系呢个高力豆沙，但可惜红豆馅聚埋一边唔均匀，变左一边得冇味嘅包，有啲失望。