新巴黎越南餐廳 (已結業)

两个人又要系mk揾野食，有时都真系揾到唔知食咩好，经过见到呢间越南野，其实平日成日经过，但都无咩谂过入去食。见到佢D下午茶好似好平咁，就入左去试下啦。佢有分下午茶同埋午餐，你系下午茶时段叫午餐都可以，贵少少，不过我谂会大碟d。我地两个人都系叫下午茶餐算啦，叫左一个烤牛肉汤檬同埋一个越式炒贵刁。下午茶餐跟一杯餐茶。烤牛肉汤檬话咁快就黎到，其实无咩特别，唔难食亦唔系特别好食。佢D牛肉全部都好细块好散，不过味口唔错，唔会话好肥，但其实唔系好食得出佢烤过，哈哈。檬粉份量算多，汤底唔系好浓但亦算够味，也是可以一吃的。另外就是越式炒贵刁，这个实在是多油得非常恐怖! 总之你就会见到大堆油系个碟底!!! 不过其实味道是可以的，非常惹味，少少辣辣地咁。有好多蛋丝同扎肉丝，如果唔系佢个堆油其实我系觉得几好食的。埋单 $44，一D都唔贵，食物可以! 想普通平平地食个下午茶的话是可以来的。