炎天丼 (已結業)

卖鱼生丼饭嘅食肆开到周围都系，相反天妇罗就较少见。一早已将此店收藏，今晚终于有机会一尝。天妇罗可以卖到好贵，当然，唔系打工仔负担到。哩间以实惠价钱，平均六，七十蚊一份就可以食到，绝对值得一试。哩到系无加一服务嫁，但店员都好好，一坐低就倒水。晚市每碗丼包一碗汤同沙律。沙律都系正常，加左麻酱。面豉汤有菇,豆腐同豆卜粒，味道唔咸，不错。海老天丼，包括海老，菜心苗，南瓜，流心蛋，莲藕，茄子。第一个惊喜系菜心苗好脆口，感觉好新奇，未试过菜都可以做到天妇罗，外而且粉浆好薄，调味恰当，菜心苗亦鲜甜。第二惊喜，系流心蛋，估唔到天妇罗蛋仲做到流心嘅效果。捞饭一流。第三惊喜系台上嘅自家甜豉油同味素，重口味嘅朋友可以任加。豉油同味素都唔咸，适量加入可以令天妇罗丼更可口。每碗份量不大，男仔可能会唔饱。天妇罗同饭嘅份量啱啱好，令你每啖都有天妇罗送饭。