金泰子泰國餐廳

营业中

休息中

呢间餐厅系新开的，但其实之前位置都喺柏树街，新舖位置就只系前几个位，好易揾~睇下餐牌，午餐好抵食，几十蚊有十几款粉面饭选择，加几蚊又有特饮，我就拣咗龙眼冰，清清甜甜食泰菜最适合！老公每次食泰菜都要点既飞天通才，贪佢够镬气，又香口，呢度食仲好大碟添!另外叫左个泰式鸡肉炒金边粉，最钟意有啲花生喺侧边捞埋一齐食，又香口又有口感！最后叫多个黄咖喱软壳蟹，因为平时食得太多猪牛羊，咁O岩有呢个选择就拣佢啦！碟上装饰更显泰国风味！食咖喱当然要点蒜蓉包，面包烘得香脆，点埋咖哩几时都咁夹！