陵發潮州白粥 (已結業)

朋友随意系openrice 揾潮州野食，search左呢间，抱住咩都试下既心态去食，食完明白点解咁多人系出面排队。好彩book左枱, 但都要等一阵。虽然walk in都应该唔洗得好耐，不过大热天时系出面等都几系野。坐低嗌左鹅片、大肠同蚝饼。蚝饼不消几分钟就上台! 新鲜热辣辣的，蚝仔粒粒都有番咁上下，仲要系肥嘟嘟的，很丰满。点埋鱼露十分好味。最钟意系鹅片同大肠。卤水鹅片嫩又淋，个卤水味岩岩好，唔过咸，仲有豆腐花生垫底，想再encore多一碟呀，但嗌左好多野食，惊食唔晒呀!!!!大肠都好正，冇臭味及屎味，又系个句，卤水味岩岩好，唔过咸，仲有芽菜系底，捞白饭一流呀!!!蚝仔粥好大兜，d蚝仔又系肥嘟嘟的，很丰满，连莞茜，葱等料，几好味，但我嫌落得太多胡椒。韮菜花好嫩，用豉油炒得几好味，较为惊喜的。通菜同蚬一样都系净恰，腐乳及豉椒另上，所以系冇乜镬气。由于会食猪红的朋友唔多，所以冇嗌，唯有下次有机会再试。餐牌选择唔多，例如冇糖醋面，香芋鸭，水昌包，反沙芋等甜品，而且冇价钱，当然可以问啦，不过咩都讲个信字。食完平均每个人都系$120，都几抵食。快、靓、正。