源記餐廳 (已結業)

有时候都想食啲平啲简单啲嘅晚餐，今晚同朋友去咗时代广场买新电话，买完行过对面街就见到源记餐厅，出名牛腩，朋友之前去过尖沙咀𠮶间觉得唔错，今次趁有机会就入去铜锣湾呢间食下。不过可惜我哋太夜啦，牛腩都卖完，我哋就叫咗个鸡翼薯格，新鲜炸起所以又香又脆，而且都几大碟，两个人食其实都几多，不过又忍唔住食晒㖞😂叫左个菜心，啲菜几新鲜鲜甜。我哋叫咗两杯杏霜，一个冻一个热，不过我朋友话其实杏霜都系热嘅好饮啲😆另外仲叫咗个餐蛋饭，叫呢个纯粹系个人喜好，唔知点解由细到大都咁钟意食餐蛋饭😂个饭都好大碟下，如果可以多啲汁就更加好🤣