源記餐廳 (已結業)

今日晚餐就去咗源記茶餐廳度食，見到有福建炒飯，就叫咗嚟食。Fukein style Fried Rice 福建炒飯，個芡汁調得太過杰身，食落好黏口感覺有啲似漿糊咁樣，而且太咸，芡汁多到可以cover曬所有飯，多汁係好，但係都要有一個比例先得，咁樣係過多！ 食得出個炒飯底 , 廚師是落足心機去炒 , however芡汁 cover曬所有嘅心機 , 炒飯幾好都變成徒然。食材有蝦粒、雞肉粒、小元貝粒、冬菇粒、火腿、仿蟹柳粒、蔬菜粒 , 都好多材料， 不過就食得出有好大雪氣味。 成碟福建炒飯最大嘅問題，就係個芡汁，同埋好咸。

有時候都想食啲平啲簡單啲嘅晚餐，今晚同朋友去咗時代廣場買新電話，買完行過對面街就見到源記餐廳，出名牛腩，朋友之前去過尖沙咀嗰間覺得唔錯，今次趁有機會就入去銅鑼灣呢間食下。不過可惜我哋太夜啦，牛腩都賣完，我哋就叫咗個雞翼薯格，新鮮炸起所以又香又脆，而且都幾大碟，兩個人食其實都幾多，不過又忍唔住食晒喎😂叫左個菜心，啲菜幾新鮮鮮甜。我哋叫咗兩杯杏霜，一個凍一個熱，不過我朋友話其實杏霜都係熱嘅好飲啲😆另外仲叫咗個餐蛋飯，叫呢個純粹係個人喜好，唔知點解由細到大都咁鍾意食餐蛋飯😂個飯都好大碟下，如果可以多啲汁就更加好🤣

朋友在銅鑼灣時代廣場工作, 她約我去購物, 我提議先找地方食午餐.  她是地膽.我依她提議去 源記餐廳.  看看餐廳門面, 食物好地道, 主打廣東燒鵝 及 牛腩.  正 !!店鋪在街角, 對正時代廣場, 我們安排了坐窗口座位, 可感受街上熱鬧氣氛.餐牌食物分列清晰,有三文治, 小食, 牛肉包.牛腩粉麵, 云吞米線. 燒鵝, 更吸引 !!下午茶,  有很多個選擇,我先點了個 炸雲吞 鮮果沙律, 配飲品 $39-鮮果沙律, 材料豐富,  賣相好, 有蘋果, 鳳梨, 生菜,青瓜, 蕃茄, 配酸酸甜甜沙律醬, 好開胃. 炸雲吞,    一碟三隻.  即叫即炸, 咬落脆口,   內餡飽滿,   非常足料, 內有大蝦,  入口香而不油膩.  沾些酸甜醬, 更加好食.芥末豬扒包,     配熱檸檬茶套餐  $34-侍應真想得周到, 把豬扒包切開一半，我們兩人一起 share , 方便得多, 抵讚. 豬扒包,  用了傳統法包, 烤得香脆.  賣相吸引.豬扒肉質鮮嫩, 煎得到位, 不油膩,  配蕃茄, 洋蔥, 生菜, 加上芥味, 真是越食越好味一定點   招牌菜, 燒鵝脾   燒鵝燒得香,   鵝皮脆脆

今晚同老公去時代廣場UA睇戲，開場前先到附近揾下野食，原來源記餐廳在時代廣場斜對面開咗分店，佢地有港式茶餐，燒味同潮州滷水粉麵，多元化供應，老公最鍾愛食佢地嘅牛雜，可能時間尚早，店內客人唔多，唔使排隊，梗係立即入去食啦😄老公要咗牛雜撈粗麵，牛雜係牛蒡、牛肚、牛腸同牛腩，牛雜滷得好入味，牛腩夠腍，牛腸咬落甘香，又唔膩口，牛肚夠爽，粗麵又冇鹼水味，正😋我就叫咗油雞燒肉雙拼飯，燒肉帶少少肥先最好食，皮脆，唔太鹹，落有肉汁，豉油雞雞肉嫩滑😋侍應阿叔手腳快，禮貌好，執枱又爽手，給讚👍🏻

到銅鑼灣時代廣場睇戲，因時間關係，只能吃個快閃晚餐，在時代廣場後面的霎東街找到源記餐廳，地點非常方便。內裡裝潢簡約，除了燒鵝、义燒受歡迎外，還寫上馳名牛腩專家。食物種類繁多，我們叫了金牌牛三寶麵、燒鵝麵、酥炸魚皮，飲品叫了凍檸樂和紅豆冰各一杯。金牌牛三寶麵一碗滿載牛肚、牛腩、牛筋幼麵色香味俱全，烹調入味，入口軟淋，味道香濃。燒鵝麵燒鵝份量不少，肉身多汁，沾上酸梅醬，份外美味。酥炸魚皮大大片的魚皮炸至鬆脆，份量也多，是我們吃過最好吃之一。最後叫了凍檸樂和紅豆冰各一杯，已很滿足。上菜速度快、店員服務態度良好、食物也有水準，就這樣便品嚐了快靚正的一餐。

今日同幾個朋友去開銅鑼灣, 四圍都係人, 又唔想食譚仔, 又唔想食南記喎~ 咁有朋友提意去食源記, 我問係咪以前去親紅館睇SHOW係樓下食個間, 佢地話係~ 真係不少童年回憶啊, 原來佢地而加開咗好多分店~ 今日我地去TIMES側邊個間~ 好期待丫~ 入到去睇下價位, 其實十年都無乜大加價~ 都係差唔多, 扺食架~ 我地叫咗兩個咖喱牛腩飯,好多牛腩, 好入味, 咖喱有椰香~ 好正~另叫多個淨四寶SHARE, 墨丸好有墨魚味, 彈牙, 魚蛋鬆軟, 有水準~ 不得不提佢地既咖啡~ 勁香, 勁濃提神一流丫~總結: 值得推介, 價錢合理, 扺食~

嗰日約咗朋友喺銅鑼灣，行行下開始覺得肚餓，所以決定喺附近食飯。餐廳位於時代廣場附近地點方便。餐廳光線充足，座位舒適。餐牌上有不同套餐可以選擇。金牌牛雜飯牛雜湯香甜，而且並不油膩，牛雜入味，份量多，牛肺味香濃，整體味道好。油雞燒肉雙拼雞肉有光澤，味道濃不會過鹹帶甜味，燒肉，肉質軟嫩，脂肪分布均勻，瘦肉的部份很有彈性，肥肉的地不覺油膩，皮的部份非常脆，加上醬汁味道一流。奶茶茶味香濃，茶同奶嘅比例剛剛好。

已經有很多年沒有光顧源記，今天下午路過銅鑼灣，原來源記已經開到銅鑼灣，於是便入內吃個下午茶。牛肚牛筋麵$52，牛筋炆煮得很腍，牛肚亦很有鹵水的味道，麵質爽口彈牙。牛腩牛雜河$52，牛雜包括有牛蒡、牛腸、牛肺、牛肚，其中以牛腸肥美甘香，牛肚爽口，最為突出。😋😋配油菜＋$12，芥蘭淥得很腍，不會太硬。生菜亦很清爽，兩者份量都很足夠。紅豆冰$26，紅豆煮到開花，味道帶點甜，混合花奶和冰，甜度適中。💕

如果要推介香港嘅美食俾遊客，你會諗起啲咩呢？菠蘿包？蛋撻？西多士？唔通係豆腐火腩飯？我哋覺得旅客嚟到香港最鍾意一定係港式點心，而港式燒臘相信會係另一個受旅客喜歡嘅美食。剛巧M佬有個朋友嚟香港玩，我哋就帶咗佢去喺香港有六間分店嘅源記餐廳。燒腩仔燒臘當中，燒腩仔嘅名氣一定無燒鵝同叉燒咁高，但燒腩仔一定係最有驚喜。脆卜卜嘅外皮，一層肥一層瘦，足足有成5層，食落口唔會有罪惡嘅肥膩感，肉質嫩滑，好有驚喜。燒鵝飯因為廣告效應，所以香港燒鵝有一定嘅江湖地位，源記餐廳嘅燒鵝，皮薄肉嫩，肥瘦適中，鵝香味濃！牛肚河內臟唔係咁多外國朋友喜歡，而牛肚絕對係內臟嘅入門級選擇！牛肚嘅牛香味濃，入口軟腍，配上滑嘟嘟嘅河粉，好好味。

喺銅鑼灣行完成日街，突然間好想食燒味，就黎到時代廣場附近既呢間源記餐廳明爐燒味掛晒喺當眼位置，極其吸引炸豬扒薯格見到有啲即炸小食，因為小弟好鍾意食脆薯格，價錢合理就叫左黎食，仲有一塊炸豬扒添，薯格夠厚身，做到外脆內軟既感覺炸雞翼生炸雞翼非常吸引，因為通常去啲連鎖餐廳食都係一大舊炸粉，呢度直接生炸，香脆無比，肉汁豐富之餘又唔洗食到油膩既炸粉燒腩仔燒鴨湯瀨粉，叉燒油雞湯瀨粉個人覺得食燒味，一定要配瀨粉先夾，因為本身燒味較為濃味，配上清清地既瀨粉可以中和返個味道，燒味份量非常足料，半肥瘦叉燒最為好食，燒腩仔燒得外皮香脆凍檸茶點少得呢杯港式凍檸茶，茶底香濃，新鮮檸檬酸而不澀

今日去銅鑼灣時代廣場看 5:10 pm 電影 - , 大家先找地方醫肚, 朋友話想食燒鵝, 時代廣場餐廳比較西化, 去酒樓又覺得太嚴肅.突然間想起對面霎東街街角, 有間源記餐廳, 會適合大家, 睇睇有冇位 ?看見門口唔使等位.   燒味燒鵝都吸引.步入店內, 雖然是下午, 店內客人也不少.剛有二人卡位, 真幸運.看看牆上照片: 馳名燒味, 掛爐燒鵝, 立即想食.再看七彩印製餐牌, 食物有很多選擇,我点了燒鵝, 朋友即叫下午茶, 包包多士套餐, 港式菠蘿油, 配熱檸檬茶.燒鵝 送到, 燒得好靚, 色澤均勻, 熱熱的上檯.  燒鵝燒得香脆, 皮薄肉嫩, 肥瘦適中, 啖啖肉, 帶些煙燻香味, 好好食. 梅子醬唔會太甜, 點少少, 口感也不錯.  燒鵝還有蔬菜伴碟. 芥末豬扒包     配熱奶茶套餐  - 看來醒神 !豬扒包, 麵包烤得脆.  豬扒煎得好香, 大大塊肉嫩帶汁, 加上芥味, 蕃茄, 洋蔥伴隨, 真的極可口.比澳門嘅著名豬扒包, 一樣好味. 熱港式奶茶, 奶味香滑溜口. 港式菠蘿油, 配熱檸檬茶 菠蘿包鬆軟, 熱檸檬茶有檸香 , 茶味濃.  可以解渴消濟.  雖然是趕時間看電影,

銅鑼灣食肆林立，各國美食薈萃，茶餐廳嘅傳統美食始终具有一定吸引力，今日和家人逛完崇光和時代廣場，天氣悶熱，在附近霎東街嘅源記茶餐廳食嘢。我點了下午茶餐义燒通粉，义燒半肥瘦幾啱口感，通粉爽口。吃過茶餐，再和家人分享雲吞墨丸麵和牛丸魚蛋河，麵質彈牙爽口，處理得啱啱好，入口啖啖清香，雲吞皮薄鲜蝦饀料充足，墨丸爽滑，出色嘅麵食。牛丸很有牛肉味，肉汁豐富兼彈牙，魚蛋香滑，湯河滑溜可口，難得茶餐廳嘅湯粉麵都有咁好嘅水準。餐飲來個熱奶茶，茶香奶滑，比例適中，好一頓滿足嘅茶餐廳美食。

今日往銅鑼灣時代廣埸購物，星期六人流都幾多，逛完百貨公司和超级市場，正值黃昏時間，天時暑熱，去茶餐廳食番個茶餐都係唔錯嘅選擇。剛巧附近有間源記餐廳，食客都幾多，等左一陣剛巧有卡位，馬上入座。叫了個下午茶餐，沙爹牛肉麵沙爹湯底夠味而不太濃，牛肉腍滑麵爽口，火腿奄列煎得很香口，雞蛋滑溜，煎得啱啱好。跟餐多士還可加七元轉配菠蘿油，十分抵食，難得菠蘿油一樣咁有水準，麵飽熱辣，牛油冰凍香滑，好啱胃口。當然要加杯餐飲凍鴛鸯，香滑不太甜，冰凉解渴，是茶餐廳特有嘅享受。

最近連銅鑼灣霎東街都有間源記餐廳開張，真系源源不絕。以前幫襯開尖沙咀源記，價錢經濟抵食，所以今次就試試霎東街分店。銅鑼灣舖租出名貴，所以呢間源記面積不算大。叫左個牛筋牛腩牛肚，嫩不膩口感，而且有豐富的膠原蛋白質和不含膽固醇。牛肚在家處理和烹調不容易，當然在店舖吃化算得多。這碗金牌三寶麵符合到我的要求。燒鵝脾叉燒飯，佢地鵝脾都燒得好靚呀，唔錯唔錯，皮香肉嫩，另一重點啲叉燒半肥瘦，都係好靚之選，好有燒烤味。以後都會來。

今日做辦完事情，順便在銅鑼灣食埋午餐才回家。路過時代廣場看見到對面舖有間源記餐廳，真的可以話區區有源記，在咁旺的銅鑼灣霎東街，時間已經兩點鐘都要等等位。今日楝啱金牌三寶麵$60，熱杏仁霜，香妃雞例$102，白飯一碗$13，熱朱古力奶。牛筋牛腩牛肚是我喜愛的牛三寶，原因：牛筋是因它有滑嫩不膩口感，而且有豐富的膠原蛋白質和不含膽固醇。牛腩是帶有筋、肉、油花的肉塊，有肉香而不膩。牛肚在家處理和烹調不容易，當然在店舖吃化算得多。這碗金牌三寶麵符合到我的要求，三寶入味不靭，湯味香濃。熱杏仁霜綿滑可口。有香妃雞餸飯，香妃雞又香又滑，仲有我最愛的薑蔥蒜；簡直錦上添花！