越興園越南菜館 (已搬遷) 新店位置

经过同妈咪入错餐厅，最后选择之前冇睇过Openrice就盲选择咗食抵食嘅越南菜。我地不约而同地叫咗汤粉，妈咪叫咗猪扒金边，而我就叫咗生牛肉金边。谂真啲系疫情下食生嘢都有啲危，早知叫半熟。两碗汤底饮落清淡，冇咩味精味。但对于钟意浓口味嘅我，就要自行再加鱼露。猪扒好入味，浓浓嘅香茅味。猪扒经过煎，口感唔嚡。其实我系第一次食生牛肉汤粉，所以好难比较。牛肉片比平时打边炉嘅牛肉片厚身啲啲，个人认为厚度适中，薄度可以放入汤中都八成熟，食落又有分量。但系牛肉味比较淡。另外仲叫咗平时少见嘅北越蒸粉卷，一客三件。呢个都系我第一次食。面头嘅扎肉丝同炸蒜好适合配蒸粉卷，甚至汤粉，增加风味同香脆感。蒸粉卷入边系素，有沙葛、红萝卜。粉卷嘅粉略为太厚，但呢个整体都几好味。建议点是拉酱，辣辣地味道更丰富。连小食，一共食咗$129。值得一提，粉嘅分量好多，食咗半碗就饱。性格比其实唔错，但环境比较旧同埋店员服务一般。当问到有关餐牌嘅嘢，店员可以更主动提供餐饮包括咩饮品。