鍾廚

营业中

休息中

今日老妈子突然话想约外父外母夜晚食饭, 我记得时代广场稻香集团间钟厨呢几晚做紧85折, 即时打去订枱, 可惜今日系星期六, 枱已订满。😌虽然知道钟厨枱已订满, 不过我同老婆都预早去碰碰运气。我地两个未到18:00已到钟厨, 好好彩, 店员安排到一张枱俾我地, 只要我地20:15前能交枱说可以。😍我地即时入座再致电四大长老。我地坐的六人枱系窗口位, 人齐时天都仲好光。钟厨系时代广场, 呢几层好多食店。我地6点几入座时天仲好光, 真正天光食到天黑。😂钟厨装修同摆设都几有古中国色彩。呢几日时代广场搞紧优惠活动, 所以晚市小菜有85折。😍叉烧唔太肥不过都好腍软入味, 牙力唔太好的长老都食得津津有味。烧鹅同叉烧一样用火热住上枱, 所以可以保存一路食面咁热, 烧鹅皮脆肉嫩。唔错。猪肺汤杏仁味好浓, 猪肺都好好食。材料好多。油麦菜用甜面酱煮, 几惹味, 不过如果想食清淡d就唔太合适。西星班鱼肉好嫩滑, 唔太大条, 应该约一斤左右。荷叶饭份量超级多, 鸡肉亦都唔少, 抵食。不需加一同茶芥, 仲有85折, 好抵食。