牛車水餐廳 (西九龍中心) (已結業)

出深水埗买完嘢，去咗西九龙中心揾饭食，见牛车水有位，就入去医肚。我同老公每人叫咗个set lunch，佢叫嘅系猪扒炒出前一丁，我叫嘅系肉眼扒配意粉。$31有齐餐包﹑餐汤﹑主菜同一杯饮品，都几抵，不过d嘢食嘅味道就真系麻麻!个忌廉汤杰挞挞，汤里面仲有d一块块未融嘅"汤"，饮咗两啖已经唔想饮。我个肉眼意粉仲衰，块肉眼扒纸咁薄，仲要无乜味!d意粉直头太淋，仲要你望落去系好湿嘅感觉，好似煮得太耐而发胀咁。虽说加咗茄汁煮，但就一d味都无，食咗几啖就食唔落，仲剩返一大碟。反而老公个猪扒炒出前一丁就炒得几香，试过一小块猪扒都ok!早知我都叫呢个啦!其间听到另一张枱嘅男人，投诉个沙律变咗，但个类似餐厅经理嘅女人仲要死撑话系咁，不过因为隔咗两张枱，唔系好听得清楚佢地讲乜，不过最终见个经理攞口咗一小碗沙律出嚟比个男人。