All for One Cafe (已結業)

希望餐厅睇到改进一下，所以忍唔住打咗呢篇食评。餐厅环境系ok既，周围好多干花衬托，港女打卡绝对无问题，不过野食就真系唔掂。汤系正常既。Burger烘到包面㶶咗黑色都可以照上俾客就真系无言。入面旧肉既味道亦都超咸，掀开旧肉仲要见到好多炉屎。包类午餐加八蚊有薯条，不过得𠮶十零条，仲孤寒过金拱门。意粉就比较干，好少汁，不过味道尚算正常，份量方面就比较少，女仔食就刚刚好够饱。而Pizza就唔系特别好食，又唔算难食，不过62蚊叫做对得住个价钱。呢次对餐厅的印象就麻麻地，不过只要大家对味道无咩要求，都可以过嚟试吓，因为呢间都算系观塘区平少少既西餐过多排会再光顾，希望到时会好啲。