吉野家 (葵涌廣場)

营业中

休息中

依间分店ge人流唔算太多，我星期日中午时段去都有一定空位，唔使用太多时间等位。不过因为楼面设计关系，除左少量卡位外，净系得几张长枱，所以钟意私隐度高D ge朋友就可能唔太钟意la，不过同时亦代表可以一大堆朋友一齐坐，所以可以话各有利弊la。叫餐ge时候见到有依个 蕃茄牛肉饭 ge推广，叫佢比其实好似鸡饭，牛饭平（$31），所以就试下la。首先，个饭ge卖相唔差ge，加上蕃茄酸酸甜甜ge香味都算吸引ge。不过仔细一望就发现牛肉少得可怜，只带4，5片。至于味道方面，整体唔差ge，因为蕃茄汁偏甜，唔会太酸，不过都几开胃。而汁入面ge少量蔬菜，因为应该煮左好耐，所以都入味，甜甜地几好味。不过由于我一开始分开左食片肥牛，无连汁，所以会觉得同个饭有少少唔夹。其实只要连埋汁同饭一齐食就都算几好味ge，所以我建议唔使再另外加牛汁la，因为味道唔太夹。整体而言，我觉得味道唔差ge，不过可能因为太少牛肉ge关系，所以我觉得$31好似有D唔抵。经常食吉野家ge朋友如果想转个口味，都不失为一个唔错ge选择。