大快活 (瀝源廣場)

营业中

休息中

大年初一晚，都要食快餐。快餐店基本上間間都有開，大快活比較方便，因為可以坐低等野食送黎。呢一點係其他快餐店暫時仍比不上。餐牌上雖然款式唔少，但其實款款都40 蚊以上，最後決定點左個扣肉飯。呢個飯份量好正常，食完唔係飽但又唔餓。個扣肉飯名義上係扣肉，實際有一半係茄子，茄子幾淋，但個汁比較咸，可能係因為有梅菜既關係。梅菜份量其實好少，而且味道落哂d汁度，佢既味道就變得好淡。最後扣肉就幾軟，口感唔錯，味道就普通，唔係突出。整體而言，就係好正常既快餐，不過就覺得貴左少少。