影片
更多
2023-01-25
1247 浏览
年初三赤口冇去拜年，就同女朋友去咗铜锣湾行街同睇Slam Dunk。新年有好多餐厅都冇开，我哋行咗去登龙街揾食，竟然发现金朝阳一楼间浪居酒屋竟然有开。更加估唔到嘅系佢冇加价之余，仲提供午市套餐，午餐选择繁多，我谂超过三、四十款，价钱就由$98起，喺铜锣湾来讲其实算OK。午餐用便当盒装住，每盒都有三款前菜以及寿司刺身卷物，老实讲真系超丰富。美国和牛锅 $268佢系一烧一锅，意指先食铁板烧，再食锅物。碟中左手边嘅系日本和牛同黑豚肉，佢哋同埋南瓜蕃薯系用嚟烧烤；而另一边就系美国和牛用嚟打边炉。铁锅先用脂肪预热，然后放上肉，好快就烧熟食得。两款肉油脂都重，食落好Juicy。食完烧肉之后，店员主动帮忙加汤，我哋要咗寿喜烧汤，汤头几正㖞，甜甜咸咸，唔会过重口味，而且个锅仲好保温。美国和牛片脂肪分布均匀，唔系低质肥牛。另外仲有兜蔬菜，入面有金菇同娃娃菜等，全部都好索味，但食完就觉得好似争只鸡蛋咁，哈哈。锅物配以刺身两点拼寿司两贯，三文鱼刺身系厚切，质素唔错㖞。另外仲有两款寿司同卷物，加州卷抵赞，因为蟹籽脆卜卜，爆晒浆。三款前菜分别系枝豆、麻酱沙律同埋帆立贝裙边，佢哋全部夹夹埋埋令到午餐好缤纷！厚烧美
年初三赤口冇去拜年，就同女朋友去咗铜锣湾行街同睇Slam Dunk。新年有好多餐厅都冇开，我哋行咗去登龙街揾食，竟然发现金朝阳一楼间浪居酒屋竟然有开。
更加估唔到嘅系佢冇加价之余，仲提供午市套餐，午餐选择繁多，我谂超过三、四十款，价钱就由$98起，喺铜锣湾来讲其实算OK。午餐用便当盒装住，每盒都有三款前菜以及寿司刺身卷物，老实讲真系超丰富。
美国和牛锅 $268佢系一烧一锅，意指先食铁板烧，再食锅物。碟中左手边嘅系日本和牛同黑豚肉，佢哋同埋南瓜蕃薯系用嚟烧烤；而另一边就系美国和牛用嚟打边炉。
铁锅先用脂肪预热，然后放上肉，好快就烧熟食得。两款肉油脂都重，食落好Juicy。
食完烧肉之后，店员主动帮忙加汤，我哋要咗寿喜烧汤，汤头几正㖞，甜甜咸咸，唔会过重口味，而且个锅仲好保温。美国和牛片脂肪分布均匀，唔系低质肥牛。另外仲有兜蔬菜，入面有金菇同娃娃菜等，全部都好索味，但食完就觉得好似争只鸡蛋咁，哈哈。
锅物配以刺身两点拼寿司两贯，三文鱼刺身系厚切，质素唔错㖞。另外仲有两款寿司同卷物，加州卷抵赞，因为蟹籽脆卜卜，爆晒浆。三款前菜分别系枝豆、麻酱沙律同埋帆立贝裙边，佢哋全部夹夹埋埋令到午餐好缤纷！
厚烧美国和牛西冷和食盒 $158烧牛扒放喺左下角，上菜时经已切开，由于叠起两层，所以份量都几多。牛扒好味道，本身件扒都靓，肉质软腍多汁，系调味稍为重手啲，如果配饭食就啱晒。
依款午餐系御膳盒嘅其中一款，可拣配腐皮乌冬或者白饭。我哋要咗乌冬，虽然话系迷你，但不至于几啖冇咗，而且仲有半块好入味嘅腐皮添。
年初三食咗个唔错嘅午餐，我哋都食得好开心，咁就唔怕俾女朋友同我开年。食物质素不俗，分量同价钱合理，而且环境同服务都好出色，所以我认为值得一食啊！
张贴
