滿泰小廚

营业中

休息中

初四入西贡行大运，本来想食西餐，但系冇招牌菜，仲加要收25%附加费，咁冇理由俾人㓥㗎嘛。咁就转移阵地去食泰国嘢。呢间小店初四开市，每样嘢食都系象征式加两蚊，系两蚊。个良心简直捧出嚟超有爱，所以唔需要谂就食呢一间。五个人一人嗌一样兜乱嚟食。谂住健康啲嗌咗个牛腱捞檬，都好食嘅牛腱唔会太干。另外个海鲜湿河就多咗汁少少，但系都可接受。去泰国餐厅多数都钟意嗌虾酱炒饭，呢度都几入味，如果上面再多少少樱花虾干，带番个鲜味就更加好啦。另外个煎蚝饼唔会太捞，啲好多几饱满唔错。另外加咗串烧同埋鸡翼，串烧就表现正常啦，鸡翼起初觉得佢有少少贵，点知原来系全翼，跟住一口咬落去真系挂咗声超好食唔会烧得太干，朝香味够，只不过系个人唔太喜欢佢用白胡椒粉腌𠮶啲鸡翼，但整体嚟讲系几好食⋯⋯新年嚟讲咁有良心，实在要推一推！