影片
更多
2023-02-28
434 浏览
年初四阿仔嘅同学过嚟玩，因为过年已经食得太多糕点，所以中午食晏决定转吓口味食西餐。唔想去得太远，所以就拣咗大围嘅Platform，平时周末或假期呢间餐厅都大排长龙，今次好彩竟然俾我哋攞到最后一张吉枱。虽然已经好耐冇嚟呢度食嘢，个餐牌依然冇乜转变，阿女同我两个都要咗港式煲蛋，阿仔要咗个纽约客，而同学仔就嗌咗个美式手撕猪肉，四个主食都配上餐厅出名嘅贝果面包。饮品方面，我哋要咗cheese latte，peanut latte，long black 同埋 lemon ginger with apple。第一样上枱嘅喺手撕猪肉，梗系因为啲料都系现成的，唔需要点样制作。个餐都摆得几靓，除咗有半碟沙律，仲有一堆青苹果丝，此外仲用咗两片芝士薄脆冚住啲猪肉。不过，当问同学仔佢嘅味道如何时，佢话其实啲猪肉有啲干身，所以味道只系一般。跟住上嘅喺阿仔嘅纽约客。呢个睇落比较普通，只系个贝果夹埋牛肉、蕃茄、洋葱等，当然都系有半碟新鲜沙律。等咗约十五分钟，我同阿女嘅港式煲蛋终于到喇。呢个主菜用瓦煲仔上，感觉果然「港式」。煲嘅表面主要喺一层芝士，仲铺咗几片意大利肠同羽衣甘蓝做装饰。至于煲里面嘅馅，除咗有半熟蛋之外，
虽然已经好耐冇嚟呢度食嘢，个餐牌依然冇乜转变，阿女同我两个都要咗港式煲蛋，阿仔要咗个纽约客，而同学仔就嗌咗个美式手撕猪肉，四个主食都配上餐厅出名嘅贝果面包。饮品方面，我哋要咗cheese latte，peanut latte，long black 同埋 lemon ginger with apple。
第一样上枱嘅喺手撕猪肉，梗系因为啲料都系现成的，唔需要点样制作。个餐都摆得几靓，除咗有半碟沙律，仲有一堆青苹果丝，此外仲用咗两片芝士薄脆冚住啲猪肉。不过，当问同学仔佢嘅味道如何时，佢话其实啲猪肉有啲干身，所以味道只系一般。
Pull Pork
$96
20 浏览
0 赞好
0 留言
跟住上嘅喺阿仔嘅纽约客。呢个睇落比较普通，只系个贝果夹埋牛肉、蕃茄、洋葱等，当然都系有半碟新鲜沙律。
The New Yorker
$88
19 浏览
0 赞好
0 留言
等咗约十五分钟，我同阿女嘅港式煲蛋终于到喇。呢个主菜用瓦煲仔上，感觉果然「港式」。煲嘅表面主要喺一层芝士，仲铺咗几片意大利肠同羽衣甘蓝做装饰。至于煲里面嘅馅，除咗有半熟蛋之外，仲有啲肠仔、蘑菇、薯仔等配料，同埋芝士贝果一起食，好味又邪恶🤣。
Shakshuka
$98
14 浏览
0 赞好
0 留言
两杯latte各有风味，我杯芝士拿铁，因为落咗玫瑰花瓣，所以除咗芝士淡淡嘅咸味之外仲有花香，甚得我欢心。至于阿女嘅peanut latte，花生落得太重，好似喺度饮花生酱咁，冚晒啲咖啡味，个人觉得唔值得堆介。
Cheese Latte
$48
78 浏览
0 赞好
0 留言
Peanut Latte
$48
11 浏览
0 赞好
0 留言
埋单562蚊，冇加一，四杯饮品占咗张单嘅三成二价钱，其实真系唔系好抵，好在都唔喺成日嚟，下次嚟都系就咁饮水算喇😅！
张贴
