大家樂 (美林商場)

营业中

休息中

一年既最后一日，有亲戚同识食美女及揾食俊男一齐叫都会食。呢间既到会一向都唔错既，我地叫左好多野食，多到食唔哂。杂锦拼盘其实就无乜特别，有d串烧、虾丸、香肠等等既野食。焗芝士肉酱意粉面头芝士就几多，好好好好食架。不过个意粉就比较干身，唔够汁。好彩，个意粉都够淋既，ok啦。焗田螺、杂菌拼酥皮挞焗田螺真系好食架，淋淋地个蒜蓉汁好特别同好好食。而焗野菌个汁似系芝士汁，好浓好惹味。而薯蓉好香牛油味，一流。而个酥皮挞就可以加薯蓉食，好好食。咖喱牛腩同平时大家乐食既无乜分别，不过今次个汁就油左小小。烧猪仔骨呢个都唔错，猪仔骨好淋同好多肉汁。加个BBQ汁就更好食。而芝士焗薯皮就普通啦，无乜特别。烧羊架又几好食，羊架胜在无膻味。唔错唔错。伴碟既菜食黎食去都唔知咩汁黎既。芒果布甸好多芒果肉，而且又唔系太甜。真系唔错既。呢餐都会真系好正，识食美女同揾食俊男都食到好满足。真系太好啦。