大家樂 (美林商場)

营业中

休息中

近兩丶三星期在此店外賣早歺，已前後有三次欠漏了一種食品。今天再到此店外賣粥及中式腸粉，但又欠奉豉油及醬汁，接二連三出錯，不可原諒。真不知為何如混亂！！！需知回家後才發現甩漏食品，往返補領需時，也需氣力，只好作罷。我很希望大家樂當局要加強出品管控，不能只求快捷而出現錯失，令消費者有損失，亦不符合商品說明條例。

復活節假期第二日，特意由大圍行去美林食個豐富抵食下午茶。二人點了一個餐，再加糖水，一齊食。公司三文治雞翼餐，免費升級泡沫咖啡，另加$6，有一碗迷你喳渣糖水。埋單$39。初嘗大家樂泡沫咖啡☕️香滑，淡淡咖啡味！係我鐘意既味道公司三文治🥪沒有切細件，要扣分餡料ok, 有煙肉好夾。燒雞翼，食左咁很多年，一樣好！想bbq，頂住先渣喳糖水也許是尾聲西米結了一舊舊豆和味道都ok不足之處：刀叉🍴和枱面清潔狀況有待改善

男朋友好鐘意食下午茶又鐘意食大家樂既公司三文治就陪佢去食羅。今次已經唔知佢第幾次食啦，不過係美林就第一次食呢個餐。 我本身對公司三文治呢樣野唔太好，心諗未又係夾蛋火腿治... 不過食左又覺得幾唔錯喎。佢塊面包面焗得岩岩好，又少少焦幾香脆可口。入面夾既蛋同蕃茄都幾好味。🤔🤔🤔 好啦，我承認其實大家樂整既公司三文治真係幾好食！不過就算佢幾好食都好，我都係會叫炸雞脾既。😋😋😋其實本身好少食既，但上次見個朋友食好似好香咁，今次就忍唔住叫左啦。見到個雞脾大大隻仲炸得咁金香，已經好吸引！食落，嘩！真係好好味呀！😋😋😋 雞脾炸得岩岩好，又唔會焦。入面既肉熟曬。而且佢個皮真係好脆，咬落去好香。😋😋😋 總之真係好好食，下次再食過。個雪菜肉絲米就麻麻地啦😰😰😰

有事要做來到美林村, 先吃個早餐, 近排有個超值早餐有一碗榨菜肉絲米粉, 兩件蕃茄碎蛋三文治和飲品都係25蚊, 幾抵食就試下啦. 買食物時唔洗點等, 不過去到取食物的部份就等了好耐.....原本要排隊等取食物係好正常, 但這間分店的運作實在好混亂, 排了一會後我已經是排第一名取食物的客人, 爭碗榨菜肉絲米粉我就已經可以搵位吃早餐....但放食物的員工只懂把食物放在他們眼前的食物盤上...我見到他們已經把榨菜肉絲米粉先放給排在後面的客人, 還不止一次...要我忍無可忍開聲跟他們說我爭個米粉....他們才把下一碗米粉給我....我唔明白點解會咁樣安排分配食物....希望呢間連鎖店可以再培訓員工吧...至於食物黎講, 呢個餐確係唔錯的, 榨菜肉絲米粉雖然佢話係細碗, 但我覺得份量唔算細了, 味道都正正常常, 還有兩件蕃茄碎蛋三文治, 入面都幾足料, 味道唔錯, 再飲埋杯熱奶茶, 熱奶茶質素不錯, 這個餐都好飽了. 希望佢可以長期有呢個早餐比人選擇啦.

周日想食炸雞脾..去左大家樂食下午茶餐...好多人..人手又好似唔夠, 所以條人龍好似清極都清唔切咁, 等左好耐先有得食..一見到炸雞脾心知不妙+好失望, 點解咁燶㗎?! 諗住有時炸過火就算數啦...點知一食就知真係大獲...好鹹好鹹呀....塊皮鹹到苦...連雞肉都入晒鹹味. 而且好明顯細隻左好多..炸到乾晒咬落去乾爭爭...好彩個蘋果薯仔沙律都算OK....味道正常.. 至於杯汽水..比我既第一杯係無汽的..成杯糖水咁! 我懷疑佢係沖定晒享度, 所以一早已經走晒D汽..飲左一啖後頂唔順叫佢換過一杯比我..食完一次短期內唔會再黎食...感覺很差.

叫咗個一哥焗豬扒飯嘅外賣，估唔到都幾好食喎——自從食過美心嘅豬扒飯之後，好耐都無食返大家樂嘅豬扒飯~今次食返，梗係想試下佢好唔好食過美心果D啦~ 一咬落去塊豬扒度......咦﹖諗 喎，我記得之前食大家樂嘅豬扒好韌，咬唔開，但係依家好咗好多。D汁又唔錯，不過點都係同美心果D差少少。不過，我依家會食返大家樂D豬扒飯~

真係好唔好意思，清明過左是寫番呢個食評。不過唔緊要既，都可以寫番既。呢日叫左個全家福暖鍋同八寶雞。全家福暖鍋料感覺上同盆菜既都幾似，不過味道就普普通通啦。因為食落係有味既。真係唔太好食，而且我覺得野食唔算太特別。同聖誕餐既感覺差好遠，無驚喜之作。燒味拼盤穩陣之作，雖然無乜特別。不過我覺得呢個算幾好啦。八寶雞一開個盒，嘩！好大陣"宿"味"。結果之後無要到，而且我見到個雞係起哂泡。好核突。呢餐唔係太好啦，野食有驚無喜。好失望。

行去美林邨本來想幫襯麥當奴，豈知小朋友揀咗大家樂...呢間大家樂餐倉水牌擺晒門口，所以經常有人群企晒喺門口，好在地下商場走廊寬闊。入到去有8~9個客人排隊，不過搵位唔難，因為個場比一般既大。大煲翅、雞翼、熱香餅餐$24--日式蟹皇翅有肉絲、竹笙、蛋絲、蟹柳等。雞翼是蜜糖雞全翼與熱香餅等全是一般快餐預產貨色。大煲翅、豬扒包餐$24--大煲翅同上，其實沒啥特別，矜貴在於竹笙，我還是喜歡街邊碗仔翅較多，起碼沒有水汪汪的感覺。豬扒包是我最反感一環，第一次吃的豬扒明顯是賣剩蔗，細小不得止，而且翻炸；今次的豬扒比上次大一倍以上，但豬扒仍然只佔麵包的一半面積，包是近乎室溫，一點也不覺脆。特色雞翼、沙律、薯條餐配汽水$18--所謂特色雞翼實則是蜜糖雞全翼，雞翼炸熟沾上蜜糖就是。沙律是普通薯仔沙律，有雞翼、薯條餐配汽水$14，即是說這小膠兜承載的薯仔沙律值$4。薯條同樣是預產過氣薯條，冧謝謝完全不脆...

一年既最後一日，有親戚同識食美女及搵食俊男一齊叫都會食。呢間既到會一向都唔錯既，我地叫左好多野食，多到食唔哂。雜錦拼盤其實就無乜特別，有d串燒、蝦丸、香腸等等既野食。焗芝士肉醬意粉面頭芝士就幾多，好好好好食架。不過個意粉就比較乾身，唔夠汁。好彩，個意粉都夠淋既，ok啦。焗田螺、雜菌拼酥皮撻焗田螺真係好食架，淋淋地個蒜蓉汁好特別同好好食。而焗野菌個汁似係芝士汁，好濃好惹味。而薯蓉好香牛油味，一流。而個酥皮撻就可以加薯蓉食，好好食。咖喱牛腩同平時大家樂食既無乜分別，不過今次個汁就油左小小。燒豬仔骨呢個都唔錯，豬仔骨好淋同好多肉汁。加個BBQ汁就更好食。而芝士焗薯皮就普通啦，無乜特別。燒羊架又幾好食，羊架勝在無羶味。唔錯唔錯。伴碟既菜食黎食去都唔知咩汁黎既。芒果布甸好多芒果肉，而且又唔係太甜。真係唔錯既。呢餐都會真係好正，識食美女同搵食俊男都食到好滿足。真係太好啦。

我們都很久沒去大家樂了~一家三口,又去試試吧~叫了兩個爵士牛扒餐,加了一杯奶茶冰冰,一杯芒果西米冰冰,加了兩個湯,連埋原來的餐後甜品泡芙,兩個餐加埋 $ 110元~(牛扒幾好味,入面都整得幾嫩,啱啱好~真係估佢唔到~),大家樂的扒餐,除了在深水埗鴨寮街,長沙灣道交界那間好吃之外,以前去過好多間都係整得過熟的,因此,對大家樂的扒餐一直興趣不大,現在對附近這間又改觀了呢~希望它會keep住水準~而個酥皮白湯,酥皮都叫Okay的,但~個湯不夠濃,似白"水"多D,焗薯好好味~由其是個汁~ 因為牛扒女兒又咬不到,只好叫個豆腐鰻魚肉粒飯比她~配多個芒果西米冰冰比她~ --->>不過~我試了兩啖,個餸唔好味~怪怪的~照片參考 : http://hk.myblog.yahoo.com/kitypanghk/article?mid=4673

我地大哂之後, 阿媽既口頭禪就變左"今晚唔煮飯" (差唔多日日都係呢句)...所以有間大家樂新開張, 我是很高興的, 商場其他食店真係麻麻, as you know...呢間大家樂d野食唔錯呀,焗豬扒飯同bbq pork都好味道,不過杯熱檸茶硬係好澀,好"鞋"...可唔可以用D好D既茶葉呢? 仲有應該多d蔬菜就仲好la!but all in all, 大家樂真係幾堅!!!