影片
更多
2009-01-27
41 浏览
年廿九，见妈咪平时煮得咁辛苦，就一家人落街食番餐啦人地话加记唔错，咪入去试下啰。点知当日认真冇瘾。入到去ｄ职员挂住搞盘菜，都冇谂过招呼客人，咁我地咪自己揾位坐啰坐左阵谂住叫佢俾ｄ茶我地冲啦，挥左好多次手都冇人应，等左足足五分钟都唔理我地，到同佢讲左，佢应承左我地之后又唔拎茶黎到拎左茶咁我地落单啦，点知又要等过多五分钟先有个职员斯斯然咁行黎帮我地落单叫𩠌，点知佢落漏单叫左𩠌冇帮我地叫饭，呢个都系送左第一碟𩠌黎先发现本身碟𩠌都唔热架啦，再三摧四请等佢拎饭黎，更加冻到晕啦碟咕噜肉认真唔好提，叫咕噜炸粉差唔多，条条都好似一条肉丝包住ｄ粉就炸劲失望，白饭就得个砵热！唉之后ｄ𩠌等左好耐，１５分钟都仲未拎到出黎期间不断摧佢，好似叫天不应叫地不闻咁之后１５分钟后先送到出黎，时菜斑片，斑片得五片，带腥，一ｄ都唔觉佢新鲜菜心就得个４条－＿－之后碟𩠌真系唔等得喇，咁鬼耐，挂住理其他人，所以去左取消个肥老板娘二话不说话”好”, 问心个句, 你地有冇心想整俾我地食呀？？？到出去俾钱，佢话当日加一，但入去个阵到落单到墙上面及入面餐牌到到出左门口都唔见有话当天加一，咁既服务质素仲要加一，会唔会有ｄ过份同唔知丑呢我觉
人地话加记唔错，咪入去试下啰。点知当日认真冇瘾。
入到去ｄ职员挂住搞盘菜，都冇谂过招呼客人，咁我地咪自己揾位坐啰
坐左阵谂住叫佢俾ｄ茶我地冲啦，挥左好多次手都冇人应，
等左足足五分钟都唔理我地，到同佢讲左，佢应承左我地之后又唔拎茶黎
到拎左茶咁我地落单啦，点知又要等
过多五分钟先有个职员斯斯然咁行黎帮我地落单叫𩠌，点知佢落漏单
叫左𩠌冇帮我地叫饭，呢个都系送左第一碟𩠌黎先发现
本身碟𩠌都唔热架啦，再三摧四请等佢拎饭黎，更加冻到晕啦
碟咕噜肉认真唔好提，叫咕噜炸粉差唔多，条条都好似一条肉丝包住ｄ粉就炸
劲失望，白饭就得个砵热！唉
之后ｄ𩠌等左好耐，１５分钟都仲未拎到出黎
期间不断摧佢，好似叫天不应叫地不闻咁
之后１５分钟后先送到出黎，时菜斑片，斑片得五片，带腥，一ｄ都唔觉佢新鲜
菜心就得个４条－＿－
之后碟𩠌真系唔等得喇，咁鬼耐，挂住理其他人，所以去左取消
个肥老板娘二话不说话”好”, 问心个句, 你地有冇心想整俾我地食呀？？？
到出去俾钱，佢话当日加一，但入去个阵到落单到墙上面及入面餐牌到到出左门口
都唔见有话当天加一，咁既服务质素仲要加一，会唔会有ｄ过份同唔知丑呢
我觉得真系应该改善ｄ服务质素啰！再系咁迟早结业！
张贴