六十年華

营业中

休息中

年年岁岁花相似，岁岁年年人不同，六十年华好有感觉🥹，人生丰富左，估唔到呢度既食物选择都咁丰富😆。餐厅够光洁明亮，装修好有时代咁🤭。座位阔落，坐得好舒服😆！餐牌有小菜套餐及铁板餐，最贵𠮶款小菜两人餐都系$198，包埋例汤同白饭，如果饮埋冻饮都系加$3，真系好抵食🤭🤭。今次叫左铁板黑椒原只咸猪手同埋浓汤素翅云吞鸡😋，仲有西兰花鲜鱿，再加支啤酒，人生一大乐事😁！浓汤素翅云吞鸡，鸡件系用油鸡，所以本身已经有咸香味😋，加上用蜡烛一路热住既，令到鸡件更加容易吸收汤既精华，云吞细细粒易食😂，唔错。原来消费满$168会送一个炒菜，因为唔知道，所以叫左个西兰花鲜鱿，下次可以叫少一个𩠌😂😂😂。太丰富啦，好饱呀🤭。铁板黑椒原只咸猪手，一上枱忍唔住「哗」左一声，咁大只既😂😂。咸猪手肉质够淋滑，黑椒味出色，味道唔会好咸，好惹味👍👍。两人食左咁多野，饮埋啤酒先$290，真系抵食又有风味，估唔到「六十年华」令我咁回味🤗，选择都好多，下次要试埋铁板餐🤭。