影片
更多
2023-09-18
73 浏览
嚟呢间餐厅之前完全冇谂过佢个vibe咁正，一入嚟已经觉得啲音乐同灯光好chill，音量足够，但又唔会阻碍到大家一班人开心倾偈，今晚主要系播一啲Hip Hop style嘅歌，成个感觉年轻而且有taste。本来以为呢度系食啲好普通嘅Cafe食物，点知其实系一间好fusion嘅居酒屋，佢哋自创嘅菜式好特别㗎，对比一般传统居酒屋，更加贴近个市场，我试咗一个有椰菜花饭做底嘅刺身丼，感觉好light但又几夹㖞，啱晒啲Keto人士。另外酒盗芝士系配多士同埋蕃茄莎莎，呢个做appetizer真系可以补偿返我全日返工嘅辛劳。佢个happy hour 真系好抵， $88有酒精饮品再加一个小食，仲要可以add on，即时话你比多48蚊，可嗌多一杯或者一个小食。另外我试咗佢个味噌鸡胸肉意大利粉，个鸡肉用慢煮方法去做，好嫩，无落咗好多调味反而有鸡肉嘅鲜味，个酱汁都恰到好处，唔会太浓，又带到本菇嘅鲜味。仲有油扬酿芝士，个配搭都好新鲜，送酒真系一流。可能因为食椰菜花唔系好够饱，最后加多一个烧饭团，两只味都好好食，落咗饭素，基本上唔需要配𩠌菜，就咁食都好好味，喺屋企好难做到呢个水准。坦白讲呢几年食得太多简单Cafe
本来以为呢度系食啲好普通嘅Cafe食物，点知其实系一间好fusion嘅居酒屋，佢哋自创嘅菜式好特别㗎，对比一般传统居酒屋，更加贴近个市场，我试咗一个有椰菜花饭做底嘅刺身丼，感觉好light但又几夹㖞，啱晒啲Keto人士。另外酒盗芝士系配多士同埋蕃茄莎莎，呢个做appetizer真系可以补偿返我全日返工嘅辛劳。
佢个happy hour 真系好抵， $88有酒精饮品再加一个小食，仲要可以add on，即时话你比多48蚊，可嗌多一杯或者一个小食。
另外我试咗佢个味噌鸡胸肉意大利粉，个鸡肉用慢煮方法去做，好嫩，无落咗好多调味反而有鸡肉嘅鲜味，个酱汁都恰到好处，唔会太浓，又带到本菇嘅鲜味。仲有油扬酿芝士，个配搭都好新鲜，送酒真系一流。
可能因为食椰菜花唔系好够饱，最后加多一个烧饭团，两只味都好好食，落咗饭素，基本上唔需要配𩠌菜，就咁食都好好味，喺屋企好难做到呢个水准。
坦白讲呢几年食得太多简单Cafe食物，今次嚟呢度真系觉得环境同食物水准都系冇乜挑剔，而且性价比高，两口子又饮酒又食得饱都系讲紧五百几蚊，西九龙呢边呢间真系好选择。
张贴
